Amalia Baqué e M.ª Amalia Mainer / Fotografías: Gregorio Chavarría
INGREDIENTS
• 6 garrons de ternasco
• 1 Kilo de garchofas
• 1 cacholoto chicot de puntas d’espargos
• 1 bruno
• 6 u 8 dients d’allo
• 1 cullarada camollera de farina
• 1 vaset de vin blango
• 3 o 4 vasez (grandaría de vin) d’augua
• Aceite, laurelero y estremoncillo, sal y pebre negra recient molturata
ELABORACIÓN
En una caserola con aceite, que tape chusto o fundo, se i doran os garrons (sin haber-los salato previament) por toz os costatos y se reservan. En a mesma aceite se i refoga o bruno y allos, os garrons que hemos reservato y ra salsa de tomate. Se bi adibe a farina, que mezcle bien, ruxiando ro guiso con o vin y l’augua. S’atesera con sal, pebre, una fuelleta de laurelero y una rameta d’estremonzillo, dixando-lo cocer, a monico y bien tapato, una hora alto u baixo.
Cuan a carne siga cuasi feita, se bi adiben as garchofas tallatas a cuartenos, se dixan cocer dica que sigan tiernas. Se rectifica de sal y se bi adiben as puntas d’espargos.
Si entre que se fa ra coción fuese menister amerar a perola, se puede aproveitar ta ixo o caldo d’o cacholoto d’os espargos.
Iste guiso ye muito tradicional en Aragón, y li se pueden adibir-ie carrotas y bisaltos.
En cuentas de garrons, en casa se i feba muitas vegatas aproveitando ros tallos baixos, d’o corder u d´o ternasco, como son l’alcorzadizo, o badal u o cuello.
