Aprende, comparte, viacha, divierte-te, leye… O Ligallo ubre as puertas suyas
APRENDE E FABLA: CURSOS D’ARAGONÉS
Se trata d’una d’as primeras autividaz organizatas por l’asoziazión dende 1982.
Os tallers e cursos d’Aragonés ta personas adultas e ninos e ninas tienen l’ochetivo de proporzionar un livel sufizién ta otener a tetulazión B2 en Luenga Aragonesa.
•Inscrizión ta o curso 2022-2023, de 15 de chulio a 20 d’otubre.
Replenar a solizitut d’inscrizión en a nuestra web www.fablans.org
•Consultas e informazión en amostranza@fablans.org
CONOXE: ZICLOS DE CONFERENZIAS
• L’achenda de conferenzias completa os cursos d’Aragonés. Son ubiertas a cualsiquier persona que quiera conoxer millor a istoria d’Aragón, d’a suya luenga, a cultura e tradizión popular, chuegos, deportes, arte, arquiteutura, patrimonio e identidat como pueblo.
• Calandario de conferenzias en a nuestra web.
VIVE O VERANO: CURSOS E COLONIAS D’ESTIU
Dende o estiu de 2003 se podrán espleitar as primeras Colonias de verano de Fablans con autividaz ta os ninos e ninas e cursos intentivos de curta durazión ta personas adultas. Será una oportunidat t’aprender istoria, toponimia, fer chuegos e prauticar deportes tradizionals, u o carnaval.
• Más información en a nuestra web
PARTIZIPA: AUTIVIDAZ SOZIOCULTURALS
• Tronca de Nadal/Navidat: Recuperazión d’a festividat aragonesa d’o Nadal
• L’Aragonés en a Carrera: Autividaz promozionals de cultura aragonesa en a carrera.
• Chuegos y deportes tradizionals. Autividaz infantils e chovenils, tamién en escuelas
• Carnavals: Recuperazión de tradizions populars aragonesas.
>> Apunta-te como voluntario, u ninvia o tuyo CV ta treballar con nusatros/as, replenando ro formulario que trobarás en a web
ESCUBRE A NUESTRA BIBLIOTECA
Espleita o fundo bibliografico d’o Ligallo, con más de 2.500 volúmens a ra man de toz/das os sozios/as. Podrás conoxer-ie obras istoricas e ineditas adquiritas dende o encomienzo de l’asoziazión.
VISTE FABLANS: BOTIGA
Chambretas, apegallos, chapas, mosica… podrás trobar-ie una ampla variedat de produtos de merchandising en a nuestra botiga.
DIVIERTE-TE: CLUB D’OZIO E TIEMPO LIBRE
Escubre Aragón, a suya luenga, cultura, istoria, grazias a o nuestro programa d’autividaz, que promueven un ambién divertito e d’amistanza.
• Escursions por o territorio
• Tallers
• Festividaz: Zincomarzata, 23 d’abril, 29 de chuño (día d’a fundazión d’o L.F.A.), Solstizio d’ibierno e Nadal, Solstizio de verano e San Chuanata
LEYE AS NUESTRAS PUBLICAZIONS
Recuperamos a revista añal Orache, tornamos a editar libros e a produzir discos. Ista e atras revistas, como A Lucana, O Rayón, os discos de mosica aragonesa y en Aragonés… regresan ta l’asoziazión nuestra.
• Os sozios e sozias reziben belunas d’as nuestras publicazions y edizions audiovisuals de forma gratuita e a domizilio.
